ჭაბუკთა ელიტ-ლიგის დაწყებამდე სულ მცირე დრო რჩება და ოდიშელთა თოთხმეტწლამდელებმა, მოსამზადებელ ეტაპზე, დასკვნითი მატჩი დღეს გამართეს. თოთხმეტწლამდელებმა, რუხის ტექნიკურ ცენტრში, “იუვენტუსი” აკადემიას /წალენჯიხა/ გუნდს უმასპინძლეს და მეტოქე 3:1 დაამარცხეს.
ნომინალურმა მასპინძლებმა სამივე გოლი პირველ ნახევარში გაიტანეს და ფაქტობრივად, თამაშის ნახევარზე გადაწყვიტეს მატჩის ბედი. სანდრო პაჭკორიამ, ჯერ პენალტის ნიშნულიდან გახსნა ანგარიში, ხოლო შემდეგ მეორე გოლიც გაუტანა მეტოქეს და დუბლი შეასრულა. მესამედ მეტოქის კარი კი, დავით ანთიამ აიღო. სტუმრებმა შეხვედრის დასრულებამდე მხოლოდ ერთი გოლის გატანა მოახერხეს. ოდიშელთა თოთხმეტწლამდელებმა, როგორც აღვნიშნეთ, მოსამზადებელი ეტაპი დაასრულეს და უკვე ისინი, ჭაბუკთა ელიტ-ლიგის გათამაშებაში ჩაერთვებიან.