ოდიშელთა ათწლამდელებმაც დღეს, ჭაბუკთა ელიტ-ლიგის გათამაშებაში პირველი შეხვედრა გამართეს და რუხის ტექნიკურ ცენტრში, მათ სენაკის “ეგრისს” უმასპინძლეს. ნორჩმა ოდიშელებმა მეტოქე დიდი ანგარიშით 5:1 დაამარცხეს. ნომინალურმა მასპინძლებმა პირველ ტაიმში, მეტოქეს ოთხი უპასუხო გოლი გაუტანეს. ანგარიში საბა ბეჭვაიამ გახსნა, რომელმაც ცოტა ხანში მეორე გოლიც მიითვალა და დუბლი შეასრულა. თანაგუნდელს არც დავით კარბაია ჩამორჩა და პირველი ტაიმის დასრულებამდე, მესამე და მეოთხე გოლი მიაყოლა – 4:0. მეორე ნახევარში კი მეხუთე გატანილი გოლით, გიგი წყაროზია გამოირჩა. სტუმრებმა შეხვედრის დასრულებამდე ერთი გოლი გაიტანეს. მომდევნო ტურის შეხვედრას ნორჩი ოდიშელები, 6 აპრილს გასვლაზე, ხობის “კოლხეთი”-ს წინააღმდეგ გამართავენ.