ოდიშელთა თორმეტწლამდელებმა, მორიგი ტურის შეხვედრაში, გასვლაზე ჯვარელი თანატოლები, შვიდი უპასუხო გოლით დაამარცხეს. ახალბედა ოდიშელებმა მეტოქეს ორივე ტაიმში აჯობეს. შეხვედრის პირველი ნახევარი სტუმრებმა, ოთხი უპასუხო გოლით მოიგეს. გოლები კი მეტოქის კარში, ანდრია ლეჟავამ, კობა შულაიამ, საბა თოდუამ და მამუკა ჭანტურიამ გაიტანეს. ოდიშელთა უპირატესობა მეორე ნახევარშიც გაგრძელდა და მათ, თავიანთ მონაგარს კიდევ სამი გოლი მიამატეს. მეორე ტაიმში გატანილი გოლებით თავი, გიორგი კუხალეიშვილმა, გიორგი ჩაგინავამ და ნიკა გელენავამ გამოიჩინეს.