ვერცხლის ლიგის გათამაშებაში, ოდიშელთა ჩვიდმეტწლამდელებმა, მერვე ტურის შეხვედრა გამართეს და ზედაეწერის სტადიონზე, საფეხბურთო კლუბ “არაგველებს” უმასპინძლეს. მასპინძლებმა მეტოქეს ცხრა უპასუხო გოლი გაუტანეს. აუტსაიდერთან მასპინძლებმა პირველ ტაიმში, ერთი გოლის უპირატესობით მოიგეს და გოლი დათო როგავამ გაიტანა. მეორე ნახევარში კი დათო როგავამ ერთმანეთის მიყოლებით სამჯერ აიღო მეტოქის კარი და პოკერი შეასრულა. შემდეგ პენალტის ნიშნულიდან გიორგი გახარიამ ხუთამდე გაზარდა ანგარიში. მეექვსე გოლი გოჩა ბენდელიანმა გაიტანა, ხოლო შემდეგ ჯერზე თემურ ხასიამ გამოიჩინა თავი. ბოლო ორი გოლი ისევ გოჩა ბენდელიანმა გაიტანა და თვითონ ჰეთრიკი შეასრულა.