ურეკში მიმდინარე საფეხბურთო ტურნირი, თერთმეტწლამდე გუნდებს შორის, დღეს ფინალური მატჩით დასრულდება. ოდიშელთა თერთმეტწლამდელებს პლეიო-ოფში გასასვლელად მცირედი დააკლდათ.

პირველი მატჩი ნორჩმა ოდიშელებმა ქუთაისის “სერვალთან” 2:1 დათმეს და ამ შეხვედრაში გოლი დემეტრე იზორიამ გაიტანა. მეორე მატჩი ისევ იმერულ კლუბთან გამართეს და ამჯერად “სამტრედიასთანაც” იმავე ანგარიშით დამარცხდნენ. გოლი კი, ანდრია ლეჟავამ გაიტანა.

ბოლო შეხვედრაში ნორჩმა ოდიშელებმა თბილისის “იბერია 1919”-თან მატჩი ფრედ 2:2 დაასრულეს, არადა უპირატესობა ჰქონდათ და მცირედი დააკლდათ. გოლები გიორგი კუხალეიშვილმა და გიორგი კაკულიამ გაიტანეს. ელიტ-ლიგაში და ტურნირშიც გამართული მატჩებიდან, ბოლო 15 დღეში ნორჩ ოდიშელებს 7 თამაში მოუწიათ და ამან გარკვეული როლიც ითამაშა. მიუხედავად ამისა, პატარა ოდიშელები მზადებას უკვე ცოტა ხანში გააგრძელებენ და ახალ ტურნირშიც ჩაებმებიან.

დღეს კი ფინალში, ქუთაისის “მართვე” და “სამტრედია” ითამაშებენ.