ოდიშელთა თერთმეტწლამდელებმა დღეს, მორიგი ტურის შეხვედრა რუხის ტექნიკურ ცენტრში გამართეს და ბათუმის “დინამო” -ს /ლურჯი/ უმასპინძლეს. შეხვედრა მასპინძელთა მოგებით 2:0 დასრულდა. პირველი ტაიმი ნორჩმა ფეხბურთელებმა ნულოვანი ფრით დაასრულეს, რის შემდეგც უკვე მეორე ნახევარში ოდიში ანდრია ლეჟავამ დააწინაურა 1:0. მეორე გოლი კი მეტოქის კარში, ალექსანდრე მოლაშხიამ გაიტანა და ოდიშელებმა მორიგი სამი ქულა მოიპოვეს. ამ თამაშით ნორჩმა ოდიშელებმა ელიტ-ლიგის საზაფხულო შეხვედრები დაასრულეს, თუმცა მზადება და ტურნირებში მონაწილეობა გრძელდება. ნორჩი ოდიშელები 28 ივნისს, საფეხბურთო ტურნირში ჩაებმება, რომელიც ურეკში ჩატარდება და მათი პირველი მეტოქე ქუთაისის “სერვალი” იქნება. აღნიშნულ გუნდებს შორის მატჩი 17:00 საათზე დაიწყება.