ჭაბუკთა ელიტ ლიგის გათამაშებაში, მეორე წრის პირველი შეხვედრა ოდიშელთა თერთმეტწლამდელებს 26 მაისს, გასვლაზე ბათუმში უნდა ეთამაშათ, თუმცა ნორჩი ოდიშელები თამაზ კოსტავას სახელობის ტურნირში მონაწილეობდნენ და ეს შეხვედრა გადაიდო. დღეს კი ოდიშელთა თერთმეტწლამდელებმა ბათუმში “დელფინი”-ს წინააღმდეგ გამოტოვებული შეხვედრა ჩაატარეს და მინიმალური ანგარიშით 0:1 მოიგეს. ერთადერთი გოლი პირველ ნახევარში ალექსი ნაყოფიამ გაიტანა, რაც სამი ქულის მომტანი გახდა.