სფფ-ის ტექნიკურ ცენტრში ქუთაისში, დღეს სტარტი აიღო თამაზ კოსტავას სახელობის ტურნირმა ფეხბურთში, თერთმეტწლამდე გუნდები მონაწილეობით. ამ ტურნირში ოდისელთა თერთმეტწლამდელები იღებენ მონაწილეობას და დღეს მათ ორი შეხვედრაც გამართეს.

პირველი მატჩი ნორჩმა ოდიშელებმა, “მეშახტე” ტყიბულის წინააღმდეგ გამართეს და მეტოქე 6: 1 დაამარცხეს. პირველ ტაიმში გოლები, კობა შულაიამ, დემეტრე იზორიამ და ალექსი ნაყოფიამ გაიტანეს, იმერლებმა ერთი გოლით უპასუხეს.

მეორე ნახევარში გიორგი კუხალეიშვილმა ერთმანეთის მიყოლებით სამი გოლი გაიტანა და ჰეთრიკი შეასრულა.

მეორე მატჩი კი “მართვე” ქუთაისის წინააღმდეგ გაიმართა და ნორჩი ოდიშელები, მეორე შეხვედრაში მინიმალური ანგარიშით 1:0 დამარცხდნენ. ხვალ კი, ოდიშელი “მერეთები”, მესამე შეხვდრას “სამგურალი” წყალტუბოს წინააღმდეგ გამართავენ.

ტურნირში მონაწილეობას 8 გუნდი იღებს და ისინი ორ ჯგუფად არიან დაყოფილი. თამაზ კოსტავას სახელობის ტურნირი 26 მაისს, ფინალური მატჩით დასრულდება.